മ്യാന്‍മറിലെ പാര്‍ലമെന്റ് തിരഞ്ഞെടുപ്പില്‍ ആങ് സാന്‍ സ്യൂചി
വിജയിച്ചതായി സ്യൂചിയുടെ പാര്‍ട്ടിയായ നാഷണല്‍ ലീഗ് ഫോര്‍ ഡെമോക്രസി
(എന്‍.എല്‍.ഡി.) അവകാശപ്പെട്ടു. പട്ടാള ഭരണകൂടത്തിന്റെ
സ്വേച്ഛാധിപത്യത്തിനെതിരെ മുപ്പതുവര്‍ഷത്തിലേറെയായി പോരാടുന്ന സ്യൂചി ഇതോടെ
ചരിത്രത്തില്‍ ആദ്യമായി പാര്‍ലമെന്റിലെത്തും. 1990 ലെ തിരഞ്ഞെടുപ്പില്‍
സ്യൂചിയുടെ എന്‍.എല്‍.ഡി ചരിത്രവിജയം നേടിയെങ്കിലും പട്ടാളഭരണകൂടം ആ വിജയം
അംഗീകരിച്ചില്ല. കേവലം 45 സീറ്റുകളില്‍ മാത്രമാണ് ഇപ്പോള്‍ തിരഞ്ഞെടുപ്പ്
നടന്നത്.
ആത്യന്തികമായുള്ള ജനാധിപത്യ വിജയത്തിനോപ്പം തൂക്കുവാന്‍ കഴിയുന്ന മികച്ച തുടക്കാമണ് 2010 നവംബറില്‍ വീട്ടു തടങ്കലില്‍ നിന്ന് മോചിതയായ ശേഷം സൂചിക്ക് ലഭിച്ചിരിക്കുന്നത്. ഈ വിജയം പ്രതിപക്ഷ ശബ്ദങ്ങള്‍ കൂടുതല്‍ ഉയരാത്ത മ്യാന്‍മാറിലെ
പാര്‍ലമെന്റില്‍ പ്രതിപക്ഷത്തിന് ശക്തി പകരുമെന്ന് പ്രതിക്ഷീക്കപ്പെടുന്നു .
പാശ്ചാത്യരാജ്യങ്ങള്‍ മ്യാന്മാറിനെതിരെ ഏര്‍പ്പെടുത്തിയിരിക്കുന്ന ഉപരോധം
നീക്കാന്‍ സ്യൂചിയുടെ വിജയം വഴിതെളിക്കുമെന്നും പ്രതീക്ഷകളുണ്ട്.
No comments:
Post a Comment